Инженерийн цахилгаан соронзон

Биднийг оролцуулаад эргэн тойрон байгаа бодис юмсыг бий болгосон харилцан үйлчлэл бол цахилгаан соронзон харилцан үйлчлэл юм. Физикийн уламжлалт сургалтанд бодисын цахилгаан соронзон шинж чанар, цахилгаан соронзон орны үйлчлэлээр бодист явагддаг үзэгдэл юмсыг судалсан түүхэн баримтууд дээр тулгуурлан, цахилгаан ба соронзон оронг тусгаарлан судалж, түүний дараагаар хоорондийн холбоо хамаарлыг харуулсан туршилтын үр дүнд тулгуурлан цахилгаансоронзон орны зүй тогтолыг агуулсан Максвеллийн тэгшитгэлийг бичиж төгсдөг. Өөрөөр хэлбэл түүхчлэн заадаг. Иймд хичээлийн агуулгад тухайн өнгөрсөн түүхийн үед хагас дутуу эсвэл буруу ойлголттой байх үедээ оруулсан ойлголт нэршил, мөн үзэгдэл юмсын хоорондийн логик уялдаа холбоо, учир шалтгааныг буруу тайлбарласан нь сурах бичгээс сурах бичигт хуулагдан өдий хүртэл ирсэн нь тус хичээлийг ойлгоход хүндрэл учруулдаг.

(\\vec{A} \).

Харин бид энэ хичээлээр дээрхийн эсрэгээр, цахилгаан соронзон оронгийн классик шинж төрх уялдаа холбоог математик хэл дээр төгс бичсэн Максвэллийн тэгшитгэлээс эхлэн түүнийг логик уялдаа холбоотойгоор задлан шинжилж цахилгаан соронзон орон түүний үйлчлэлээр явагддаг үзэгдэл юмсын учир шалтгааныг тайлбарлан заана. Үүний зэрэгцээ тухайн сэдэвт ямар алдаа андуурал байгааг тайлбарлана.